ఈ జీవన తరంగాలలో

పదిమాసాలు మోసావు పిల్లలను
బ్రతుకంతా మోసావు బాధలను
ఇన్ని మోసిన నిన్ను
మోసేవాళ్ళు లేక వెళుతున్నావు

ఈ జీవన తరంగాలలో
ఆ దేవుని చదరంగంలో
ఎవరికీ ఎవరు సొంతము
ఎంత వరకు ఈ బంధము

కడుపు చించుకు పుట్టిందొకరు
కాటికి నిన్ను మోసేదొకరు
తలకు కొరివి పెట్టేదొకరు
ఆపై నీతో వచ్చేదెవరు (2)

ఈ జీవన తరంగాలతో
ఆ దేవుని చదరంగంలో
ఎవరికీ ఎవరు సొంతము
ఎంత వరకు ఈ బంధము

మమతే మనిషికి బందీఖానా
భయపడి తెంచుకు పారిపోయినా
తెలియని పాశం వెంటబడి
ఋణం తీర్చుకోమంటుంది
తెలియని పాశం వెంటబడి
ఋణం తీర్చుకోమంటుంది
నీ భుజం మార్చుకోమంటుంది

ఈ జీవన తరంగాలతో
ఆ దేవుని చదరంగంలో
ఎవరికీ ఎవరు సొంతము
ఎంత వరకు ఈ బంధము

తాళి కట్టిన మగడు లేడని
తరలించుకు పోయే మృత్యువాగాదు
ఈ కట్టెను కట్టెలు కాల్చక మానవు
ఆ కన్నీళ్లకు చితి మంటలరావు
ఈ మంటలు ఆ గుండెను అంతక మానవు

ఈ జీవన తరంగాలతో
ఆ దేవుని చదరంగంలో
ఎవరికీ ఎవరు సొంతము
ఎంత వరకు ఈ బంధము

==========================
చిత్రం : జీవన తరంగాలు - ౧౯౭౩
రచన : ఆత్రేయ 
గానం : గంటసాల